Астанада жарылыс болды
Елордада дәмханалардың бірінде газ баллондары жарылып, алапат өрт болды, деп хабарлады Paryz.kz.
фото: әлеуметтік желіден
ТЖМ мәліметінше, Байқоңыр ауданында донер кафесі өртенді
"Төтенше жағдай орнында елордалық құтқарушылар жұмыс істеуде. Өртті сөндіруге жеке құрамның 20-дан астам адамы және 4 бірлік арнайы техникасы жұмылдырылды", - делінген хабарламада.
Төтенше жағдайлар министрлігінің хабарлауынша, сағат 19:08-де донерханадағы өрт жойылды. Алдын ала өрт аумағы 80 шаршы метрді құрайды.
Зардап шеккендер туралы мәлімет жоқ. Өртті сөндіру кезінде газ баллондары 4-5 рет жарылды.
