48 жастағы ер адам «қайырымдылық » ақшасын ұрлады
Елордада ер адам қайырымдылық жәшігін ұрлап кетті, деп хабарлайды Paryz.kz, Halyk-uni.kz-ке сілтеме жасап.
Сурет: ашық дереккөз
Күндіз күдікті Ш.Айтматов көшесіндегі минимаркетке кіріп, қайырымдылыққа арналған жәшікке көзі түскен. Оны ешкім бақылап тұрмағанын пайдаланып, ақша салынған қорапты алып шығып кеткен, – дейді Нұр-Сұлтан қаласының полиция департаменті.
Жедел-іздестіру шараларын жүргізу кезінде полиция қызметкерлері 48 жастағы ер адамды ұстады. Қазір сотқа дейінгі тергеу жүргізіліп, күдіктінің қала аумағында бұрын жасалған осыған ұқсас қылмыстарға қатысының бар-жоғы тексеріліп жатыр.
