"Бүркітке айтқан жоқпын": Әнші Аиша намазға жығылғанын айтты
Айта кетейік, Аишаның шын есімі - Виктория. Ол ислам дінін Бүркітке тұрмысқа шыққан кезде қабылдаған болатын.
Жұлдызды жұп Бүркіт (шын есімі - Айбек Жансейітов - ред.) пен Аиша Динара Сәтжанның "100 сұқбат" бағдарламасында көпшілік біле бермейтін құпияларымен бөлісті деп хабарлайды Paryz.kz, NUR.KZ-ке сілтеме жасап.
Сұқбат барысында Бүркіт Аишаның таңғы төртте тұрып, намаз оқитынын айтты. Ал таңғы уақытын өзіне ғана арнайтын Аиша намазға қашан және не себептен жығылғанын баяндады.
"Намазды карантинге дейін оқи бастадым. Қаңтар айынан бастадым. Мен бұрыннан оқығым келетін. Бес уақыт оқымаймын. Бірақ таңғы намазға тұрамын. Дұға етіп, жаратқанға жалбарынып отырған кезде, ерекше күй кешесің. Бұл өмірде аса қажет. Барлығына күшің, қуатың, махаббатың жетуі үшін маған аса қажет. Мен намаз оқымасам, менің көңіл-күйім мүлдем басқаша болады. Күнде оқымаймын. Бірақ Алламен байланыс жасау үшін өзіме арналған таңғы уақытымды намазға арнаймын", - дейді ол.
Аишаның сөзінше, ол намазға тұрып, медитация жасап, артынша кітап оқығанды ұнатады екен. Десе де, намазға жығылғанын бастапқыда тіпті Бүркітке айтпаған екен.
Мен оған ештеңе айтпадым. Ол өзі байқап қойды, - дейді ол.
Айта кетейік, Аишаның шын есімі - Виктория. Ол ислам дінін Бүркітке тұрмысқа шыққан кезде қабылдаған болатын. Қазіргі таңда жұлдызды жұп екі ұл, бір қызды тәрбиелеп отыр.
