«Көлікте мектеп бітіруші түлек бар»: Жамбыл облысында жасөспірімдер жантүршігерлік жол апатына ұшырады

Бұл туралы Жуалы ауданы әкімдігінің Facebook-тегі парақшасында хабарланды.

Жол апаты 25 мамырда болған.

«Жаңаталап ауылынан Ақтоған ауылына қарай бара жатқан «Тойота Камри» маркалы автокөлігінің 21 жастағы жүргізушісі рульге ие бола алмай, көлік жол жиегіне аударылған», - делінген хабарламада.

Жол апаты салдарынан 21 жастағы азамат оқиға орнында қаза тапты. Оның жолаушылары – 20, 17 жастағы тұлғалар және 11-сыныпты бітіруші түлек ауруханаға жеткізілген. Қазір олардың жағдайы тұрақты, бақылауда.

«Аталған дерек бойынша қылмыстық іс тіркелді, қажетті сараптамалар тағайындалды», - делінген ақпаратта.