Алматыда автобус өртенді
Алматылық өрт сөндірушілер отқа оранған автобусты сөндірді, деп хабарлайды Paryz.kz.
Фото: видеодан скриншот
Алматы қалалық ТЖД-ның мәліметінше, қаладағы Алатау ауданының құтқарушылары сағат 11:45-те «Қарасу» шағын ауданында өртенген автобусты сөндіруге жіберілді.
Құтқарушылар сағат 11:53-те жетті, автобус салонында жолаушылар болған жоқ. Жалын шарпыған аумақ 10 шаршы метрді құрады, өрт сағат 12.00-де сөндірілді. Қаза тапқандар мен зардап шеккендер болған жоқ. Өрттің шығу себебі анықталуда.
Өртті сөндіруге қалалық ТЖД-ның 10 адамы мен 2 техникасы жұмылдырылды.
