Зілтемірші Майя Манезаның күйеуі Вячеслав Ершов қайтыс болды
Бұл туралы Қазақстан ауыр атлетика федерациясы хабарлады.
фото: әлеуметтік желіден
"2006 жылғы Азия ойындарының чемпионы, әлем чемпионатының қатысушысы, Қазақстанның бірнеше дүркін чемпионы Вячеслав Ершов қайтыс болды. Қазақстан Республикасы Ауыр атлетика федерациясының ұжымы Вячеславтың туған-туыстары мен жақындарының қайғыларына ортақтасып, көңіл айтады", – делінген желідегі жазбада.
Еске сала кетейік, Вячеслав Ершов пен Мая Манеза (2012 жылғы Лондондағы жазғы Олимпиада ойындарының чемпионы) 2013 жылы отау құрған. Екі баласы бар. Қазірге неден қайтыс болғаны белгісіз.
