Бұрынғы Денсаулық сақтау министрі Елжан Біртанов наурыздың соңына дейін үй қамауында қалады. Елорданың ауданаралық тергеу соты осындай шешім шығарды, деп хабарлады paryz.kz.
Бұл туралы экс-министрдің адвокаты Дмитрий Куряченко хабарлап отыр. Заңгер ел президенті Қасым-Жомарт Тоқаевқа үндеу жолдап, Біртановты қудалауды тоқтатуды сұрады.
Еске сала кетсек, былтыр министр қызметінен босатылып, «ірі көлемде бюджет қаржысын жымқырды» деген күдікпен қамауға алынған болатын.