Тізімге сай, зардап шеккендер санатына өткен халықтың несиесі шегеріліп, банктер айыппұл алмайтын болды. Үкімет ұсынатын материалдық көмектің тізімі мынандай:
100 АЕК мөлшерінде біржолғы өтемақы төлеу; жоғалған және/немесе бүлінген мүліктің өтемақысы; су тасқынынан зардап шеккендер санатына жатқызылған барлық азаматқа кредиттер бойынша төлемдер 3 айға, яғни 2024 жылдың 1 сәуірінен бастап 30 маусымға дейі автоматты түрде кейінге қалады; зардап шеккен азаматтардың кредиттері бойынша су тасқынының салдарына байланысты төлемдерді кешіктіргені үшін айыппұлдар мен өсімпұлдар салынбайды; су тасқынының салдарынан кәсіптері шығынға ұшыраған, барлық зардап шеккен жеке кәсіпкерге, сондай-ақ шағы және орта бизнес субъектілеріне кредиттер бойынша төлемдер олар берген өтініштің негізінде кейінге қалады; кредиттік ұйымдардың ресми сайттары мен әлеуметтік желілердегі аккаунттарында өтініш беруді нақты алгоритмдері және кредиттерді қайта құрылымдаудың тәртібі жарияланады. Қарыз алушылардың банктермен және МҚҰ-мен өзара іс-қимыл процесін жеңілдету үшін қашықтан өтініш беру сервисі іске қосылады.