Алматы облысында ер адам 13 жастағы қызды зорлап өлтірді

Полиция ақпаратты растады. 

Алматы облысында ер адам 13 жастағы қызды зорлап өлтірді
фото: almaty.tv

Алматы облысында ер адам аса қатыгездікпен он үш жастағы қызды өлтірді. 47 жастағы күдікті – баланың өгей әкесі деп хабарлайды Paryz.kz

Қылмыс жасалған ғимараттың суреті әлеуметтік желіде жарияланды.

Адам өлімі 23 шілдеде Талғардағы жатақханалардың бірінде тіркелген. Зорлық-зомбылық және тұншығу белгілері бар қыздың денесін анасы тауып алған. Әйел таңертеңнен қызына қоңырау шалған, алайда ол телефон тұтқасын көтермеген.

Полиция ақпаратты растады. Олардың мәлімдеуінше, әйелмен бірге тұрған 47 жастағы ер адам баланы зорлап, өлтірді деген күдікке ілінді.

Күдікті оқиға орнынан қашып кеткенімен, Алматы аумағында ұсталды. Қазіргі таңда ол Уақытша ұстау изоляторына қамалды", - деп мәлімдеді Алматы облысы ПД баспасөз қызметіндегілер.

Қылмыстық кодекстің 99-бабы 3-тармағы "Жас баланы өлтіру" бойынша сотқа дейінгі тергеу басталды. Ұсталған ер адам 20 жылға дейін немесе өмір бойына бас бостандығынан айырылуы мүмкін.

Полицияның мәліметінше, кәмелетке толмағандарға қатысты қылмыстың 70%-тен астамын балалар сенетін немесе тәуелді болатын жақындары жасайды. Олар әкесі, анасының сүйіктісі, өгей әкесі, туысқандары, көршілері, таныстары. Мұндай қылмыстар көбіне үйде жасалады, сол себепті олардың алдын алу қиын, деді ведомство.