Павлодарда жер үйден ер адамның мәйіті табылды
Павлодарда иесіз қалған жер үй өртеніп, оның ішінде қалған 39 жастағы ер адам көз жұмды, деп хабарлады облыстық ТЖД
Фото: Павлодар облысы ТЖД
Бүгін түскі сағат 12:48-де қаладағы №2 өткел мекенжайы бойынша жер үйдің жанып жатқаны туралы ақпарат түскен.
Оқиға орнына өрт сөндірушілер шұғыл жетті. Олар иесіз жер үйдің өртенгенін анықтаған. Өрттің жалпы ауданы – 30 шаршы метр, үйдің шатыры ішінара құлаған. Іштен 1985 жылы туған ер адамның мәйіті табылды. Өлімнің себебі анықталып жатыр, - деп жазылған хабарламада.
Өрт сағат 14:44-те толық сөндірілді. Оқиға орнында 16 маман және 4 техника жұмыс істеді.
