COVID-19: наурызда Қазақстан халқын жаппай вакцинациялау басталады

Қазақстанда өндірілген ресейлік "Спутник V" вакцинасын жаппай егу жоспарланып отыр. Бұл туралы бүгін Sputnik Қазақстан хабарлады.

Екпе бірінші кезекте ерікті негізде медицина қызметкерлері, педагогтар, студенттер, құқық қорғау органдарының қызметкерлері, медициналық-әлеуметтік мекемелердің контингенті, сондай-ақ созылмалы аурулары бар қауіптілік топтың өкілдеріне салынады.

Бұған дейін Үкімет басшысы Асқар Мамин Қарағанды фармацевтикалық кешенінде "Спутник V" вакцинасының өндірісін іске қосқан болатын. Кешен базасында 2 миллион доза вакцина кезең-кезеңімен шығарылады. Сондай-ақ, 2021 жылдың наурыз айында COVID-19-ға қарсы отандық вакцинамен жаппай егу басталады.

19 желтоқсанда отандық QazCovid-in вакцинасын клиникалық сынақтан өткізудің соңғы ІІІ сатысы басталды. Оның аясында вакцина 3 мың еріктіге егілді.

Көктемде Жамбыл облысының Қордай ауданында биофармацевтика зауыты іске қосылады. Кәсіпорын жылына 60 миллион доза вакцина шығаруға қауқарлы.

Тағы оқи отырыңыз: "Қарин бізден шыққан вакцинаны салдырды дегені - шылғи өтірік, әшейін пиар!" - Тоқтар Жақаш

"Сіздерге ашып көрсетейін...": Сапарбаевқа екпе салған медбике шыр-пыр болды

Бұған дейін Білім және ғылым министрі Асхат Аймағамбетов оқушылар коронавирусқа қарсы вакцина салдыруға міндеттелмейтінін мәлімдеген болатын.