«AMANAT» партиясының кезектен тыс съезінің өту уақыты анықталды
Бүгін «AMANAT» партиясының Төрағасы Қасым-Жомарт Тоқаев осы жылдың 26 сәуірінде кезектен тыс XXIII Съезді шақыру туралы шешім қабылдады, деп хабарлайды Paryz.kz, «Amanat» партиясының Атқарушы хатшысы Асхат Ораловтың Facebook парақшасына сілтеме жасап.
"Оған барлық өңірлерден делегаттар қатысады. Съезд онлайн форматта өтеді. Орталық аппарат филиалдармен бірлесіп дайындық іс-шараларын бастады.
Съезд барысында «ADAL» саяси партиясының «AMANAT» партиясына қосылуы туралы мәселе қаралады деп жоспарлануда", - деп жазды Асхат Оралов.
