Президент 5 баланың қазасын еліміздің басына түскен трагедия деп атады
Президент бұл жағдайды бір ғана отбасының емес, бүкіл еліміздің басына түскен трагедия деп санайды.
Президент Жамбыл облысының Жаңатас қаласында қаза тапқан балалардың ата-аналарына көңіл айтты, деп хабарлады paryz.kz.
Бұл туралы Президенттің баспасөз хатшысы Берік Уәли Facebook-тегі парақшасына жазды.
Тағы оқи отырыңыз: Жамбыл облысында болған өрт бес баланың өмірін жалмады
"Мемлекет басшысы Әбдімәліковтер отбасының қайғыларын бөлісіп, қаза болған балалардың ата-анасы мен туыстарына жұбату лебізін білдірді. Президент бұл жағдайды бір ғана отбасының емес, бүкіл еліміздің басына түскен трагедия деп санайды. Ол балалардың ата-аналарына жан-жақты көмек көрсетуді тапсырды. Мемлекет басшысының көңіл айту жеделхатын Жамбыл облысының әкімі Бердібек Сапарбаев жеткізді", - деп жазды Берік Уәли.
