Маңғыстау полигонындағы жарылыс: Бір сарбаз жансақтау бөлімінде жатыр
Ол екі аяғының бірнеше жерінен жарақат алып, қолы сынған.
Маңғыстау облысындағы оқу полигонында ауыр халде зардап шеккендердің бірі жансақтау бөлімінде жатыр деп хабарлайды Paryz.kz, LADA сайтына сілтеме жасап.
Зардап шеккен төрт адам Атырауға жіберілді.
Оқиға 27 қазанда Бейнеу ауылының маңындағы "Бекет-Ата" әскери полигонында болған.
Оқи отырыңыз: Маңғыстау облысында граната жарылып, бес сарбаз зардап шекті
Әскери қызметшілер полигонды жоспарлы тазалау кезінде оқ-дәрі орнын жалаумен белгілеу кезінде жарылыс болды.
Жарылыс салдарынан бес әскери адам зардап шекті. Үш адам – 2002 жылы туған, екеуі 1999 және 2003 жылы туған.
Әскери қызметкерлердің біріне шұғыл ота жасалды. LADA дереккөзінің хабары бойынша, ол екі аяғының бірнеше жерінен жарақат алып, қолы сынған.
28 қазанда Қорғаныс министрлігі "дәрігерлер әскери қызметшілердің жағдайын қанағаттанарлық деп бағалады" деп хабарлады. Бірақ оқиғаның себебін атаған жоқ.
