Қазақстандық музыкант Imanbek "Грэмми" сыйлығын жеңіп алды (ВИДЕО)

Қазақстандық ди-джей Иманбек Зейкеновтің (Imanbek) америкалық орындаушы SAINt JHN-дің "Roses" әніне жазған ремиксі "Грэмми" жүлдесін алды, деп хабарлады paryz.kz.

Бұл туралы ол өзінің Instagram-дағы парақшасында  жазды. 

"Достар, мен неге бақытты деп ойлайсыңдар? "Грэмми" - біздікі. Музыканттың мансабындағы ең әдемі нәрсе - Grammy-ді жеңу, біз оны жасадық!" - деді ол.

Imanbek-ке "Үздік ремикс" үшін берілетін Грэммиді Ұлттық дыбыс жазу өнері және ғылым академиясы табыстаған.

"Анама рақмет, әкеме рақмет, командама рақмет, менеджерім Кирилге рақмет, Грэммиге рақмет", - деді Imanbek.

Stan.kz-тің хабарлауынша, Грэммидің 63-ші марапаттау рәсімі YouTube арнасында көрсетілді.

Еске сала кетсек, 20 жастағы Иманбек SAINt JHN-дің "Roses" ремиксімен танымал болған. Оның нұсқасындағы трек хит болды және бірнеше апта бойы Billboard Hot 100 диаграммасының үздік ондығына кірді.

Зейкеновтың трегі Apple Music-тің де үздік ондығына енген. Ал Shazam музыкалық қосымшасында 6,5 миллионнан астам қаралым жинаған. Сондай-ақ Яндекс-музыка чартында 5-орынға ілігіп, Spotify-та 4 миллионнан астам тыңдалып, рэп әншісі Saint Jhn-нің YouTube-арнасында миллионнан астам қаралым жинаған.

Тағы оқи отырыңыз: Димаштың бейнебаяны MTV USA рейтингін бастады

Жақында музыканттың Roses SAINt JHN композициясы "Грэмми"(Grammy) сыйлығына ұсынылған еді. Ал танымалдыққа дейін Иманбек Павлодар облысында теміржолшы болған.