Президент отандық телеарналарға тарихи фильмдер түсіруді тапсырды

Мемлекет басшысы құзырлы органдар мен отандық телеарналарға мемлекеттік тапсырыстың белгілі бір бөлігін міндетті түрде тарихи тақырыптарға бағыттауды тапсырды, деп хабарлады paryz.kz.

"Алмас қылыш", "Жау жүрек мың бала", "Томирис", "Кейкі батыр", "Тар заман" сияқты тарихи фильмдер түсірілді. Бірақ бұл әлі жеткіліксіз. Мен құзырлы органдар мен отандық телеарналарға мемлекеттік тапсырыстың белгілі бір бөлігін міндетті түрде тарихи тақырыптарға бағыттауды тапсырамын. Әрине, қаржы мәселесі шешілуі керек. Дегенмен, көп қаражат жұмсамай да жоғары деңгейдегі өнер туындысын түсіруге болатынын қырғыз бауырларымыз "Құрманжан датқа" фильмі арқылы анық көрсетті", - делінген Президенттің "Egemen Qazaqstan" газетінде жарияланған "Тәуелсіздік бәрінен қымбат" атты мақаласында.

Тағы оқи отырыңыз: "Неге осындай болдық екен?..": "Абай" телехикаясының сиқынан "көз ұялады"

Осы орайда, ол көркем және деректі тарихи туындыларда мемлекеттілік және мемлекетшілдік идеясы әрдайым көрініс табуы қажет екенін айтып өтті.