"Ойнаған кейіп таныттым": Imanbek Тоқаевтың алдында көзбояушылық жасапты

Grammy сыйлығының иегері атанған қазақстандық Иманбек Зейкенов "Дождь" телеарнасының жүргізушісі Михаил Козыревке берген сұхбатында президент Қасым-Жомарт Тоқаев үшін музыка ойнауға қалай келіскенін айтты, деп хабарлады paryz.kz, stan.kz-ке сілтеме жасап.

Ол неліктен бұл әрекеті үшін әлі күнге дейін ұялатынын да түсіндірді. Белгілі болғандай, музыкантты танымал болғаны үшін ғана шақырған.

"Мен ойнаған кейіп таныттым. Онда ди-джей пульті болды. Тіпті, ди-джей пульті емес, жай ғана микшер. Өзімді бірнәрсе істеп жатқандай көрсеттім. Музыка, дыбыстық режиссер, меніңше, ноутбуктен қосылды", - деді Imanbek сұхбатында.

Тағы оқи отырыңыз: "Тоқсанның бірі – Тоқаев...": Imanbek өзін президенттің бірінші болып құттықтамағанын айтты

Иманбек облыс әкімінен алған 2 млн теңгесін қайырымдылыққа бермек

Оның айтуынша, бұл "шоу" 5 минуттан аспаған. Еске сала кетсек, ел президенті Қасым-Жомарт Тоқаев Roses әніне арналған ремиксі үшін Grammy сыйлығын жеңіп алған Иманбек Зейкеновті құттықтаған болатын.