Токио Олимпиадасы чемпионының отбасы ақшадан бас тартқан

Токио Олимпиадасында суға секіруден чемпион болған Цюань Хунчанның отбасы 30 миллион фунт стерлингтен (шамамен 17 млрд теңге) бас тартты деп хабарлайды lenta.ru, Mirror сайтына сілтеме жасап.

Ақшадан бөлек, 14 жастағы спортшының отбасына тегін жиһаз, ойын-сауық парктері мен хайуанаттар бағына өмірінің соңына дейінгі тегін билеттер, азық-түлік пен басқа да сыйлықтар ұсынылған. Алайда Хунчанның әкесі мұның барлығынан бас тартқанын мәлімдеді.

Ол сондай-ақ, қызының жанкүйерлерінен туған ауылына жеке сапарларын тоқтатуды сұрады, өйткені көптеген адамдардың келуі ауыл өмірін тоқтатып тастаған.

Хунчань Токио Олимпиадасында 10 метрлік биіктіктен суға секіруден күтпеген жерден алтын медаль иеленді. Бұған дейін ол тек ел чемпионатында жеңіске жеткен.