Оңтүстік Корея соты президентті қамауға алу туралы ордер берді

"Сот президент Юн Сок Ёльді бүлік шығарды деген айыппен қамауға алу туралы ордер берді... Оңтүстік Кореяның конституциялық тарихында алғаш рет қызметтегі президентті тұтқындауға ордер берілді," - деп хабарлайды агенттік. Әдетте, қамауға алу ордері шығарылған күннен бастап бір апта ішінде жарамды.

Юн Сок Ёльге үйінде тінту жүргізуге ордер берілді. Жоғары қызметтегі сыбайлас жемқорлық әрекеттерін тергеу басқармасы (CIO) жақын арада ордерді орындау үшін шара қолданады деп күтілуде.

 Рёнхап хабарлағандай, Юн Сок Ёль уақытша шеттетілсе де, қазіргі мемлекет басшысы ретінде президенттік қауіпсіздік қызметінің қорғауында. Осыған байланысты агенттік президентті қамауға алмақ болған кезде қауіпсіздік қызметкерлері қарсылық көрсетуі мүмкін екенін жоққа шығармайды.

Юн Сок Ёльдің адвокаты бұл ордерді "заңсыз" деп атап, наразылық білдіріп үлгерді. Бұған дейін Жоғары қызметтегі сыбайлас жемқорлық әрекеттерін тергеу басқармасы (CIO), полиция және қорғаныс министрлігінің тергеу департаментінен тұратын Біріккен тергеу тобы Юн Сок Ёльді тұтқындауға ордер беруді сұраған, себебі ол үш рет әскери жағдай енгізуге байланысты жауап алуға келмеген. 

Юн Сок Ёль елде әскери жағдай енгізгені үшін бүлік шығарды және билігін асыра пайдаланды, сондай-ақ заң шығарушылардың әскер жағдайды алып тастау үшін дауыс беруіне жол бермеу үшін парламентке әскер жіберді деп айыпталған. 

Юн Сок Ёл айыптауларды жоққа шығарып, оның әрекеті "оппозициялық партияны заң шығарушы билікті теріс пайдалануына" кедергі келтіру үшін жасалған "мемлекеттік әрекет" екенін айтты. Ел президенті 18, 25 және 29 желтоқсанда жауапқа келу талаптарын елемеді. Ол сондай-ақ пошта арқылы ресми хабарламаларды қабылдаудан бас тартты, келмеу себебін түсіндірмеді және қамауға алу ордері шыққаннан кейін ғана адвокатқа жүгінді.