"Clubhouse қосымшасын жүктеуге асықпаған абзал" - сарапшы

Алаяқтар Android қолданушылары үшін жалған Clubhouse қосымшасын жасады. Ұлттық технологиялар бастамасы (NTI) SafeNet аймақтық инженерлік орталығының директоры Денис Кувиков оны телефондарына жүктемеуге кеңес берді, деп хабарлады paryz.kz, РИА Новостиге сілтеме жасап.

Алаяқтар әйгілі суретшілердің атынан алматылықтарды алдаған.

Clubhouse – бұл қазіргі уақытта тек iOS амалдық жүйесінің пайдаланушылары үшін қолжетімді жаңа әлеуметтік желі. Әзірлеушілер платформаның Android нұсқасын жасау үшін команда жалдағанын хабарлады, бірақ оның қашан іске қосылатыны белгісіз.

"Android үшін Clubhouse-қа клондар мен шақырулар пайда бола бастағанын атап өту маңызды. Бұл - қызығушылықтың артуының алғашқы белгісі және қылмыскерлер алаяқтығының басталуы", - деді Кувиков.

Сарапшының айтуынша, алаяқтар құрбандарының құрылғыларына қашықтан қол жеткізу үшін танымал қосымшаларды клондайды.

"Смартфонға ресми емес қосымшаны жүктеу және іске қосу арқылы сіз телефон кітапшасын, камераны, микрофонды және геолокацияны, файлдық жүйені үшінші тұлғаға ашасыз. Шабуыл жасаушы кез келген әлеуметтік профильдеріңізді, банк клиенттеріңізді, мессенджерлеріңізді аша алады", - деді сарапшы.