Нурмагомедов Макгрегордың бүгінгі жеңілісі туралы пікір білдірді

Жеңіл салмақтағы UFC чемпионы, ресейлік Хабиб Нурмагомедов ирландиялық Конор Макгрегордың американдық Дастин Порьеден жеңілісіне қатысты пікір білдірді, деп хабарлады paryz.kz, lenta.ru-ға сілтеме жасап.

32 жастағы Хабиб Нурмагомедов Twitter-дегі парақшасында Абу-Дабидегі абсолютті күрес чемпионаты (UFC) турнирінің басты жекпе-жегі аяқталғаннан кейін былай деп жазды:

"Міне, сені чемпион етіп тәрбиелеген топтан кетіп, спаринг-серіктестеріңнен алшақтағанда, осындай болады".

Айта кетейік, Макгрегор UFC 257 турнирінде Порьеден накаутпен жеңіліп қалды. Жекпе-жек екінші раундта аяқталды. Осымен 5 рет жеңіліс тапқан Макгрегор өз карьерасында алғаш рет нокаутпен ұтылып тұр. Бұның алдында ол жеңіл салмақтағы UFC чемпионы белбеуі үшін жекпе-жекте Нурмагомедовтен жеңіліп қалған еді.

Сонымен, екі салмақ дәрежесінде UFC чемпионы атанған ирландиялықтың еншісінде қазір 22 жеңіс пен 5 жеңіліс бар.