Израильде бір қазақстандықтың қайтыс болғаны рас па - СІМ жауап берді

Израиль сыртқы істер министрлігі бір қазақстандық қаза тауып, екеуі жоғалып кетті деген тізімді жариялаған болатын. Ал Қазақстан сыртқы істер министрлігі баспасөз жетекшісі Айбек Смадияров Sputnik Қазақстанға бұл ақпараттың шындыққа жанаспайтынын айтты.

"Бір қазақстандық қайтыс болып, екеуі жоғалып кеткені туралы ақпарат шындыққа жанаспайды. Бізде бұл туралы ресми ақпарат жоқ. Израиль тарапыбұл ақпараты үшін кешірім сұрады", - дейді Айбек Смадияров.

Айта кетейік, бұған дейін де Израиль жерінде қазақстандықтардың жоғалып кеткені туралы ақпарат тараған болатын. Кейіннен израильдіктер жалған ақпараты үшін кешірім сұраған еді.