Жапонияда дәрігердің үйінен ер адамның басы табылды

Бас дүйсенбі күні 62 жастағы дәрігер Осама Тамура мен оның 29 жастағы қызы Рунаның Хоккайдо аралы, Саппородағы үйін тінту кезінде табылған. Дәрігердің 60 жастағы әйелі де сейсенбі күні осы бап бойынша тұтқындалды, деп хабарлады жергілікті полиция.

Полиция Руна Тамура, оның психиатр әкесі мен 2 шілдеде қонақүй нөмірінің жуынатын бөлмесінде жалаңаш және басы кесілген күйі табылған 62 жастағы Хитоши Ура арасындағы қарым-қатынасты тергеп жатыр. Тергеушілер басты союды жоспарлап отырғанын мәлімдеді. Бұған дейін денені сою кезінде өліміне гемморрагиялық шок себеп болғаны анықталған. Полиция қыз бәрін өзі істеді деп болжап отыр, себебі сол түні қонақүй нөміріне басқа ешкім кірмеген.

Саппоро ауруханасының психиатры Осама қызын апарып-әкеліп тастаған деп айыпталып отыр. Ура мен тағы бір адам, болжам бойынша Руна, Саппоро қонақүйінде 1 шілде күні жергілікті уақытпен 22:50-де тіркелген. Келесі күні түнгі 2-де нөмірден жалғыз адам ғана шыққан.

Ураның қасындағы адамның бойы қысқа, қонақүй нөміріне кірген кезде кең жиекті қалпақ пен ашық түсті киім киген. Түнгі 2-де адам қара түсті киіммен шыққан, деп хабарлады тергеу органдарындағы дереккөз. Қонақүйден шықпағаннан кейін күдіктенген қонақүй қызметкері Ураның мәйітін 2 шілде күні тексеруге барғанда анықтаған. Камерадағы кадрлардан түнгі 2-ден 15.00-ге дейін қонақүй нөміріне ешкім кіріп-шықпағаны көрініп тұр. Полиция әлі Ураның заттарын – киімін, телефоны мен жеке куәлігін табуы керек.