Шойгу Пригожин көтерілісіне қатысты алғаш рет пікір білдірді
Ресей қорғаныс министрі Сергей Шойгу 23-25 маусымда елдегі жағдайды тұрақсыздандыру әрекетіне қатысты пікір білдірді, - деп хабарлайды Paryz.kz Tengrinews.kz-ке сілтеме жасап.
Ресей Қарулы Күштері басшылығымен селекторлық кеңесте сөйлеген сөзінде Шойгу Ресейдегі жағдайды тұрақсыздандыру әрекеті Ресей Қарулы Күштерінің әскери қызметшілерінің антына адалдығынан абыройлы аяқталғанын айтты.
"Тағы бір сұраққа тоқталмай кете алмаймын, оған біздің Жоғарғы бас қолбасшымыз жан-жақты жауап берді. Біз 23-25 маусымда Ресейдегі жағдайды тұрақсыздандыру әрекеті туралы айтып отырмыз. Бұл жоспарлар, ең алдымен, сәтсіз аяқталды. Қарулы Күштердің жеке құрамы антына және әскери борышына адалдық танытты", - деді Шойгу.
Шойгудың айтуынша, арандатушылық ресейлік әскерлер топтарының әрекетіне әсер етпеген, әскери қызметшілер өздеріне жүктелген міндеттерді жалғастыра береді.
