Зеленский Украинаның Қазақстандағы елшісін қызметінен босатты
Украина президенті Владимир Зеленский Украинаның Қазақстандағы елшісі Петр Врублевскийді қызметінен босатты, деп хабарлайды paryz.kz ақпарат агенттігі Halyq Uni сайтына сілтеме жасап.
Фото: ашық дереккөз
Зеленский қол қойған жарлық Украина президентінің ресми сайтында жарияланды.
«Петр Юрьевич Врублевский Украинаның Қазақстан Республикасындағы төтенше және өкілетті елшісі қызметінен босатылсын», - делінген жарлық мәтінінде.
Айта кетейік, бұған дейін Украинаның Қазақстандағы төтенше және өкілетті елшісі Петр Врублевский қазақстандық блогер Диас Құзайырға берген сұқбатында «Орыстарды барынша қырып-жою керек. Қазір біз мейлінше олардың көзін жойсақ, ертең біздің ұрпағымыз қан төкпейтін болады» деген пікір айтқан.
