Ауғанстанда "Әл-Каида" исламшыл тобының лидері өлтірілді
Ауғанстанда «әл-Каида» исламшыл тобының лидері Айман әз-Зауахири өлтірілді. Оның Кабулдегі үйіне америкалықтар екі зымыранмен соққы берген.
фото: rus.azattyq
Мұны президент Джо Байден мәлімдеді.
Шабуылдан Зауахиридің туыстары мен бейбіт тұрғындар зардап шеккен жоқ, деп жазады qazaqstan.tv.
АҚШ барлаушылары оның жасырынып жүрген жерін жыл басында анықтаған. «әл-Каида» жетекшісін Вашингтон 2001 жылы Құрама Штаттарға жасалған алапат терактілерді ұйымдастырды деп есептейді.
Содан бері әз-Зауахири қашып жүрді. Ол «әл-Каиданы» 2011 жылы америкалықтар Пәкістанда Осама бин Ладенді мерт қылғаннан кейін басқара бастады.
