Польшада 16 жастағы қазақстандық студентті атып кетті
Ол халықаралық жастар алмасу бағдарламасы аясында оқыған.
Польшада 16 жастағы қазақстандықты атып өлтірді, деп хабарлады Stan.kz.
Сыртқы істер министрлігі баспасөз қызметінің мәліметінше, қайғылы оқиға 2 қарашада Польшаның Ополе қаласында болған.
"Атыс салдарынан 2004 жылы туған Қазақстан азаматы көз жұмды. Тергеу амалдары жүргізілуде", - делінген хабарламада.
Қазіргі уақытта Қазақстан елшілігі марқұмның туыстарымен байланыс орнатты, оның денесін елге жіберу жұмыстары жүргізіліп жатыр.
Жергілікті БАҚ-тың хабарлауынша, қазақстандық достарымен бірге баққа алма алу үшін барған, оқ сол жерде атылған. Марқұм Ключковице-Оседлдегі мектеп-интернаттың студенті болған. Ол халықаралық жастар алмасу бағдарламасы аясында оқыған.
Атысқа күдікті әлі табылған жоқ.
