Чехияда Ресей мен Қытайға АЭС салуға тыйым салынды
Енді чехиялық АЭС жаңа блогын салу және ағымдағы жөндеу кезінде тыйым салынған жеткізушілермен тікелей немесе жанама байланысты технологияларды қолдануға болмайды.
27 қыркүйекте Чехия президенті Милош Земан Ресей мен Қытай компанияларына «Дукованы» АЭС жаңа блогын салу тендеріне қатысуға мүмкіндік бермейтін заңға қол қойды.
Бұл туралы Orda.kz Чехияның ақпарат көздеріне сілтеме жасап хабарлайды.
Төмен көміртекті деп аталатын заң – Чехияда 1996 жылы күшіне енген ДСҰ аясында мемлекеттік сатып алу туралы келісімге мүше елдердің ядролық технологияларын ғана пайдалана алады. Ресей мен Қытай мұндай елдердің қатарына кірмейді.
Енді чехиялық АЭС жаңа блогын салу және ағымдағы жөндеу кезінде тыйым салынған жеткізушілермен тікелей немесе жанама байланысты технологияларды қолдануға болмайды.
«Дукованы» АЭС кеңейтуге өтінім 2020 жылдың наурыз айында реттеушіге жіберілді. Өтінім мәні қуаты 1 200 мегаваттан тұратын «Дукованы» АЭС-да екі жаңа энергия блогын салу болып табылады.
Чехияда екі атом стансасы жұмыс істейді: кеңестік жобалар бойынша салынған «Дукованы» АЭС (ВВЭР-440 реакторлары бар төрт энергия блогы) және «Темелин» АЭС (ВВЭР-1000 екі блогы).
