"Парламент Мәжілісіне үш партия өтті" - exit poll

Мәжіліс пен мәслихаттар депутаттарының сайлауында exit poll нәтижелері жарияланды, деп хабарлады paryz.kz.

Бұл туралы "Қоғамдық пікір" зерттеу институтының директоры Айнұр Мәжитова мәлімдеді.

Мәжіліс депутаттарының сайлауында exit poll нәтижелері былай бөлінді:

• Қазақстан Халық партиясы (ҚХП) - 9,03 пайыз дауыс;
• Nur Otan партиясы - 71,97 пайыз дауыс;
• "Ауыл" партиясы - 5,75 пайыз дауыс;
• "Ақ жол" партиясы - 10,18 пайыз дауыс;
• ADAL саяси партиясы - 3,07 пайыз дауыс.

Қазақстандағы Мәжіліс депутаттарының сайлауындағы екінші exit poll деректері жарияланды. Деректерді "Демократия институты" жобасының директоры Татьяна Башарина КТК телеарнасының эфирінде келтірді.

"Демократия институтының" мәліметтері бойынша exit poll нәтижелері мынадай:

• Қазақстан Халық партиясы - 9,54 пайыз;
• Nur Otan партиясы - 72,01 пайыз;
• "Ауыл" партиясы - 4,93 пайыз;
• "Ақ жол" партиясы - 10,27 пайыз;
• Adal партиясы - 3,25 пайыз.

Парламент Мәжілісіне көшу үшін партиялар 7 пайыз кедергіні еңсеруі қажет. Палата кемінде 2 партияның қатысуымен құрылады. Егер сайлаушылар дауысының 7 пайызын тек бір саяси партия алатын болса, онда депутаттық мандаттарды бөлуге осы саяси партияның тізімі, сондай-ақ дауыс беруге қатысқан сайлаушылар дауысының ең көп санын алған партияның партиялық тізімі жіберіледі.

Exit poll - дауыс беруден кейін сайлау учаскелерінен шыққан кезде әлеуметтік қызметтер жүргізетін, әлемдік әлеуметтану тәжірибесінде қолданылатын азаматтардан сауалнама алу рәсімі.