Алматы, Ақтөбе облыстарында 105 және 110 жастағы аналар дауыс берді

Алматы облысының Сарқан ауданында 110 жастағы Алтынхан Белдеубай сайлаудан тысқары қалмай, өз даусын берді, деп хабарлады paryz.kz.

"Менің жасым жүзден асып кетсе де, ешқашан сайлаудан тыс қалған емеспін", - дейді кейуана.

Ал Ақтөбеде 105 жастағы Жақыбай Бисенғалиева №26 сайлау учаскесіне өз аяғымен барып таңдауын жасады.

"Бұрын ерте тұрып, алғашқылардың бірі болып дауыс беретін едім. Қазір қартайдық, өзіміз келе алмаймыз. Баламмен бірге келіп, таңдау жасадым", - дейді ол.

Кейуаналардың бірі үйінде, екіншісі сайлау учаскесінде тек дауыс қана емес, көпшілікке арнап ақ баталарын да берді.