Қоғам
Түркістан облысындағы шағын және орта бизнес саны 144 мыңға жуықтады
Түркістан облысында қазір 144 мыңға жуық шағын және орта бизнес субъектісі жұмыс істеп тұр. Кейінгі үш жылда олардың саны 17 мыңға артқан. Өндірілген өнім 1,6 есеге ұлғайды. Құны 400 миллиард теңгеге жетті. Шағын және орта бизнестің экономикадағы үлесі 22%-ке жетті. Қазір облыс Нұр-Сұлтан және Алматы қалаларынан кейін кәсіпкерлік саласында үштікке енеді. Бір жылда облыстағы кәсіпкерлер «Қолдау» бағдарламасы аясында 2,82 миллиард теңгеге несие алып, ісін дөңгелетіп отыр.