Новости Казахстана
Алматыда Наурыз тойланды
Ару қала Алматыда қала әкімдігінің ұйымдастыруымен Наурыз мейрамы бірнеше күнге созылды. Алдымен домбырашылардың «Күй күмбірі» республикалық челленджімен басталған мерекенің соңы дүбірлі тойға ұласты. Аталған мерекелік кеште мектердің, гимназиялардың, шығармашылық үйлердің 600 оқушысы, 70 педагог және 20 ата-ана орындаған домбыра үні күмбірледі. Оркестрге дирижер, Қазақстан Республикасының еңбек сіңірген өнер қайраткері, профессор Үкібай Дүйсен жетекшілік жасады. Домбырашылар Құрманғазының «Балбырауын», «Адай», «Сарыарқа» күйлерін орындады, – деп хабарлайды Paryz.kz.