«Қарсыласымды аямаймын»: Серік Сәпиев балуанмен болған төбелеске қатысты пікір білдірді
Олимпиада чемпионы және боксшы Серік Сәпиев Алматыда өткен Naiza 49 аралас жекпе жек турнирінде балуан Зелимхан Мусихановпен болған төбелеске қатысты пікір білдірді, - деп хабарлайды Paryz.kz ақпарат агенттігі Tengrinews.kz-сайтына сілтеме жасап.
"Кез келген аралас жекпе жекте боатын қарапайым жағдай. Мен солай деп есептеймін. Мұндай жағдай жекпе жекте де, футбол алаңында да, кез келген жерде болады. Бірақ ойыннан кейін бәрі дос болып қалуы керек. Мен рингте қарсыласымды аямаймын, бірақ жекпе жектен кейін біз дос болып қаламыз.
Мұндай жағдай не себепті болды? Ойын аяқталғаннан кейін мен қол алысуға барамын да оппонентіме күлімсіреп: "Ондай жағдай болып тұрады" деймін. Бұл жерде эмоциямен жауап берді. Менің артық ойым болмады, бірақ маған негативпен жауап берілді. Сондықтан мен де негатив жауап беріп, осындай жағдай болып қалды, сол ғана", - дейді Сәпиев.
