Қатарда өтіп жатқан футболдан 2022 жылғы әлем чемпионатында бүгін 1/8 финалын Португалия және Швейцария құрамалары түйіндейді, деп хабарлайды paryz.kz ақпарат агенттігі ҚазАқпаратқа сілтеме жасап.
Кездесу елорда уақытымен 1.00-де басталып, «Qazaqstan» және «Qazsport» телеарналарынан тікелей эфирде көрсетіледі.
Ойын Лусаил қаласындағы 88966 жанкүйерге арналған «Лусаил Айконик» стадионында өткізіледі. Бас төреші - мексикалық Сесар Артуро Рамос. оған отандастары Альберто Морин Мендес пен Мигель Анхель Эрнандес Паредес көмекшілік жасайды. Қосалқы төреші - Иштван Ковач.
Екі құрама өзінің тарихында 25 мәрте кездесті. Нәтижесінде 8-і Португалия, 11-і Швейцарияның жеңісімен аяқталса, қалғанында тең нәтиже тіркелді.
Топтық кезеңде Португалия H тобында ойын көрсетті. Гананы 3:2, Уругвайды 2:0 есебімен жеңіп, Оңтүстік Кореяға 1:2 есебімен жол берді.
Ал, Швейцария G тобында Камерунды 1:0, Сербияны 1:0 есебімен жеңіп, Бразилияға 0:1 есебімен есе жіберді.
Сондай-ақ, 6 желтоқсанда елорда уақытымен 21.00-де Марокко мен Испания кездесуі «Qazaqstan» мен «Qazsport» телеарналарынан көрсетіледі.