"Дикий Арман" әлем боксының жұлдызына шапан кигізді

Арман Жұмагелдиев украиналық боксшы Александр Усикке шапан жапты. “Дикий Арман" атымен танылған қылмыс әлемінің серкесі бокс жұлдызымен түскен суретін жариялады деп хабарлайды Paryz.kz, Stan.kz -ке сілтеме жасап.

Александр Усикпен түскен суретін Арман Жұмагелдиев Instagram stories-інде жариялады.

Қазақтың шапанын киген шетелдік спортшы Арман Жұмагелдиевпен құшақтасып суретке түсті. Одан бөлек Украина бокс федерациясының вице-президенті Андрей Стрихарскийдің де шапан киіп тұрған сәтін байқауға болады.

“Дикий Арман" АІВА басшыларының шақыртуымен бокстан Белградта өткен әлем чемпионатында құрметті қонақ ретінде шақырылды.

Арман Жұмагелдиев алаңға шығар алдында қазақстандық спортшыларға қолдау көрсетіп, жігерлендіре түсті. Ал жеңіліп қалған спортшыларға қолдау ретінде ақшалай сыйақы таратты. 

Александр 1987 жылы 17 қаңтар өмірге келген. Бірінші ауыр және ауыр салмақ категорияларында өнер көрсететін украиналық кәсіпқой боксшы.

Бірінші ауыр салмақтағы абсолютті әлем чемпионы (2018). WBA super, WBO, IBF және IBO тұжырымдары бойынша ауыр салмақтағы әлем чемпионы (2021 жылдан бері).