Атыраулық отбасы баланың өліміне жедел-жәрдемді кінәлап отыр

Атырауда 10 жасар бала ойнап жүріп, токқа түскен. Алайда ата-анасы оның өліміне жедел жәрдем дәрігерлерін кінәлап отыр деп хабарлайды Paryz.kz, "Мой город" басылымына сілтеме жасап.

10 жасар бала 30 қазанда үй ішінде ойнап жүріп, тоққа түскен. Алайда ата-анасы жедел жәрдем келе жатқанда баланың тыныс алып жатқанын, бригада келгенге дейін көзін ашқанын айтты. Жедел жәрдем көлігінде аурухана барар жолда көз жұмған. Баланың әжесі жедел жәрдем көлігінің ішінде болған, оның айтуынша, балаға көлікте ине салған. 

Мен бірге барған кезде қолдарында оттегі болды, бір дыбыс шығып тұрды. Алайда біраз уақыттан кейін баланың дәрі-дәрмекке аллергиясы бар-жоғын сұрады. Артынша көлікті тоқтатты, ол уақытта ауруханаға жетіп қалған едік. "Кері қайтамыз, бала тыныс алмайды" деді, - деп еске алды баланың әжесі Надежда.

Енді баланың туыстары жедел жәрдемнің не себепті мәйітті мәйітханаға емес, ауруханаға алып келгенін түсінбей отыр. Артынша сол жерге тәртіп сақшылары келіп, қажетті құжат жинап, мүрдені мәйітханаға алып кеткен.

Жергілікті Денсаулық сақтау басқармасы хабарламасында "жедел жәрдемге шақырту 14:45-те түсті. Көмек 14:51-де келді. 2011 жылы туған бала жедел жәрдем келгенше көз жұмды" делінген.

Баланың әкесі Сергей Писарев мәйітханада құжаттарды рәсімдеу үшін екі сағат жүрген. Туыстары басынан-ақ мәйітін кесуге рұқсат бермейтінін айтқан.

Түсінгенім бойынша тоқ соққан кезде білегінен материалдың бір бөлігін алады, бірақ денесін кеспейді. Алайда жиенімнің денесін кескен, білегінен де материал алған, - дейді баланың тәтесі Наиля.

Оның сөзінше, мамандар баланың әкесін мәйітті кесуге көндірген. Олар балаға қандай укол салғанын анықтау үшін келіскен. Алайда сараптама ештеңе табылмағанын көрсетті.

Денсаулық сақтау басқармасы бұл жағдайға түсінік беруден бас тартып, полицияның баспасөз қызметіне хабарласуды сұрады.

Тәртіп сақшылары қылмыстық кодекстің 317-бабы 3-бөлігі ("медицина немесе фармацевтика қызметкерінің кәсіби міндеттерін тиісінше орындамауы абайсызда адам өліміне әкеп соққан іс-әрекеттер") бойынша қылмыстық іс қозғады.