"Түркиядан үй алуға ниеттімін": әріптестерінің әрекеті Еркені де ойлантып тастапты

Соңғы жылдары Түркияға көшіп жатқан жерлестеріміз көп. Оның ішінде танымал өнер азаматтары да жетерлік. Енді бұл қатарға әнші Ерке Есмахан да қосылуға ниетті сияқты, деп хабарлады paryz.kz, ernur.kz-ке сілтеме жасап.

Оған әншінің әлеуметтік желіге соңғы жазған жазбасы себеп болып отыр.

"Соңғы уақытта Түркияға көшіп жатқан қазақтардың саны көбейді. Бәлкім, бұған бірнеше себеп бар шығар. Мен де жұрттан қалмай, Түркиядан үй алуға ниеттімін. Бірақ, біресе алғым келеді, біресе айнып қаламын. Үй алу - болашаққа инвестиция құю деп білемін. Осы мәселеде сіздер не ойлайсыздар?" - деп әнші тыңдармандарымен ой бөліскісі келген.

Бұл жазбасын оқыған жанкүйерлері оны басқа елге қимаса да, "Ақшаң болса алған дұрыс", "Ұлыңыздың болашағы үшін шетелге көшуге болады" дегендей пікір қалдыруда.