«Бір өліп, бір тірілдік»: Ләйлә Сұлтанқызы ұлының қандай қиындыққа тап болғанын айтты

"Кеше ұлым Дишинка апамен бірге сағат 13.00-де Скаттың рейсімен Астанадан Алматыға ұшу керек еді. Рейс қайта-қайта шегеріле берді, қандай да бір себептерге байланысты шығар, білмеймін. Сосын сағат 17.00-де балам Flyarystan ұшағына отырып, 18.30-19.00 шамасында қону керек болатын. 19-00-ден бастап балама звондаймын, телефоны өшірулі болды", - дейді тележүргізуші.

Ләйлә Сұлтанқызы "19.00-20.00 болды, бір уақытта, 21.00-ге таман ғой деймін, баламнан хабарлама келіп тұр:

"Анашым, біз Түркістанға қондық. Алматының ауа райына байланысты. Флай экстренно Түркістанға қарай ұшып кетті" деген. Ойбай, енді не болады, 22.00-дегі рейстің күйетіні бар, бұл қалай болады, баланың қорыққаны бар. Екі-үш рет Алматының үстінен айналып, ұшақ қона алмаған. Себебі кеше Алматыда жаңбыр болды, жел болды. Қасында отырған Жанәбілов Ера тіпті қоштасу видеосын жазған. Оны балам айтқанда тіпті қорықтым.

"Анашым, бар білетін 2-3 дұғамды оқыдым. Қайта-қайта оқыдым. Таңертең тұра сала мал садақа, мешітке садақа беріп, Құран оқыттым, апаны шайға шақырдым. Аман болайық!" - деді Ләйлә Сұлтанқызы Instagram-дағы парақшасында.