Астана
-7.03°C
Астана
-7.03°C
Әнші Жігер Ауыпбаев «Ұйқым келмейді» бағдарламасында өміріндегі қиын кезеңдер туралы сыр шертті. Өнер иесі бала кезінде қатты сырқаттанғаны туралы айтты.
- 6-сынып оқып жүрген кезде қатты сырқаттанып, өлім аузынан қалғаным бар. Маған ота жасалды. Бұл біз үшін қиын кезең болды. Девальвация, ата-анам жұмысынан қысқарып, ақша болған жоқ. Мен де қырсыққанда қатты ауырып қалдым. 6-7 айдай ауруханада жаттым. Үйді сағынғаным соншалық – дәрігерден сұранып, ауруханадан бір күн ерте шықтым. Үстімдегі киімім жұқа. Ауруханадан емес, түрмеден шыққандай болдым. Қуанып үйге жүгіріп келсем, бөтен кісілер есік ашты. Сөйтсе менің дәрі-дәрмегіме ақша керек болып, ата-анам үйімізді сатып жіберген.
Сұхбат барысында әнші сол кездегі өзінің эмоциялық жағдайы туралы да айтты:
- Өзімді қатты кінәлап жүрдім, депрессия болды. Бір жағынан бұл маған мотивация болды. Қайтсем де әнші боламын деп, ата-анама үй алып беруді мақсат тұттым, — деп бөлісті ол.
