Танымал қазақстандық музыкант Николай Миклошич қайтыс болды
Алматыда белгілі қазақстандық музыкант, "РХН" рок-тобының мүшесі Николай Миклошич қайтыс болды. Ақпаратты Tengrinews.kz тілшісіне оның жұбайы Джулия Миклошич растады.
Оның айтуынша, артист ұзаққа созылған ауыр науқастан кейін қайтыс болған. Ол 69 жаста еді.
"Ол бар күшін салып күресті, соңғы күніне дейін сауығып кетемін деп үміттенді. Қалқамандағы ауруханада емделіп жатқан еді. Мен сонда соңына дейін бірге болдым. Дәл менің қолымда өлмегеніне өкінемін, өйткені олар оны палатадан жансақтау бөліміне апарып, орнын ауыстырып жатқанда, ол қайтыс болды", - деді әйелі.
