"Қуып кетті": Кәмшат Жолдыбаеваның хиджабтағы видеосы желіде талқыға түсті
Жақында ұзатылған әнші Кәмшат Жолдыбаева көпшілік алдына хиджабпен шықты. Әншінің видеосы Instagram парақшасында жарияланды, деп хабарлайды Paryz.kz, Nur.kz-ке сілтеме жасап.
"Бұл мекенде болған адам қай жер екенін бірден таниды", - деп жазды әнші.
Ал желі қолданушылары видеоның Медина қаласында түсірілгенін болжады. "Мединадағы құрма бағы ғой", "Бақытты бол", "Аяғыңыз ауыр ма?", "Кәмшат 180 градусқа өзгерді", - "Қазақ қыздары Араб қыздарына айналып барады. Бұл ұлт болашағына қауіп", "Не сұмдық хиджаб киіп, қазақ киімі қайда, Жұлдыздар осылай қуып адасып кетіп жатыр дейді үлкендер" - деп пікір білдірді желі қолданушылары.
Естеріңізге сала кетейік, наурыз айының басында желіде отандық әнші әрі актриса Кәмшат Жолдыбаеваға сырға салғаны жайлы ақпарат тараған болатын. Ал әншінің ұзатуынан кейін бірнеше күн өткенде Кәмшат Жолдыбаеваның басына ақ орамал салған сәттің видеосы пайда болды. Кәмшат Жолдыбаева отандық актер Ғазрет Қажымұқанұлының үйіне келін болып түскен.
