Астана
-6.03°C
Астана
-6.03°C
Отандық әнші Сейфуллин Жолбарыс үйде отыратын әйелдің бітпейтін тірліктен бір уақыт босап, өзіне көңіл бөлуі керектігін айтты. "Астана" арнасының "Ащы шындық" бағдарламасында өнер иесі нәзік жандыларға боянып,өз-өзіне қарап жүруге кеңес берді, деп жазады paryz.kz ақпарат агенттігі nur.kz сайтына сілтеме жасап.
"Әйел деген әрдайым үйдің күйбең тірлігіне беріле бермеуі керек. Кейбір әйелдер сол тірлікке беріліп кетеді. Сосын үйден шықпай қалады. Үйден шықпаған адамның миында құлдырау пайда болады. Үйде отырып қалған таныстарымнан, жеңгелерімнен байқаймын, аттарын айтпаймын. Олар тым болмаса киноға бармайды. Кино деген бір қымбат нәрсе емес. Болмаса, саябаққа шығып, балаңмен қыдырып келу қымбат емес қой.
Бір ғұлама "Өмірдегі барлық керемет нәрсенің бәрі тегін" дейді. Ол не? Ол - орманға барып қыдыру, табиғат, бұлақтың басына шығу. Мысалы, ең керемет нәрселер деп есептеймін. Тірлік өмірі бітпейді. Кірді жуады, ол қайта ластанады. Ыдыс-аяқты жуасың, қайта ас ішесің, қайта бүлінеді. Оның бәрі қайта айнала береді.
Сондықтан аруларға айтарым, күйбең тіршілікте тым болмаса өздеріңе уақыт бөліп, балаңмен серуенде. Кішкентай киноға барасың ба, қазір бәрі бар ғой. Біздің кезімізде ештеңе жоқ еді. "Әйел боянбау керек" дегенге де қарсымын. Әйел боянып, өз-өзіне қарауы керек. Өзінің әйел екенін сезінуі керек. Сол кезде ғана әйел өзіне бақыт сыйлайды. Анам "Балаларым, жас кезде қыдырыңдар, жүріңдер. Жасың келгенде, өзің-ақ ешқайда шыққың келмейді" дейді. Мұны мен туған әпкелеріме де айтамын. Сен өзіңе-өзің уақыт тауып шықпасаң, өмір осылай бітеді", - деді Сейфуллин Жолбарыс.
