Былтыр осы күні сүйіктімнен ұсыныс алған едім, міне арага бір жыл салып, Алланың қалауымен бүгін, ғашықтар күнінде, осындай қуанышымызбен бөліскіміз келді. Альхамдулиллах, - деп жазды Мақпал.
«Маш Алла. Жуктiлiгiңiз жеңiл өтсiн. Сiздер үшiн өте қуаныштымын» , «Жұғысты болсыншы барлық тілеп жүрген жандарға», «Алла тіл көзден сақтасын. Бастысы аман есен дүниеге алып келіңіз!», - деп, әншінің оқырмандары құттықтап, жылы лебіздерін білдіріп жатыр.
Естеріңізге сала кетейік, әртіс өткен жылы көктемде тұрмысқа шыққан болатын. Бірақ сүйгенінің кім екенін айтпады, тіпті, оның бет-әлпетін де көрсетпеді. Мақпал өз сүйіктісі танымал тұлға емес екенін және әлеуметтік желіде көзге түскенді қаламайтынын жазды.