Димаш Құдайберген барша отандасын қазақша сөйлеуге шақырды (ВИДЕО)
Тілімізді мақтан тұтып жүрейік деді ол.
Қазақстандық талантты әнші Димаш Құдайберген instagram-парақшасында жазба қалдырып, онда барша отандасын қазақ тілінде сөйлеуге шақырды деп хабарлайды Paryz.kz.
Достар, жақында тіл төңірегінде сөз қозғаған бір жобаға осындай үндеу түсіріп берген болатынмын. Біздің жастарымыз тіліміздің таза болуына, өз жерімізде тіліміздің құнсызданып кетпеуі үшін еңбек ету керек деп ойлаймын. Қазақ тілімен қаруланған қандастарымыз, тілі біраз шорқақтау болып жүрген бауырларымыз қазақша үйреніп бастағанда қолдан келгенше қатесін түзеп жіберіп, көмектесіп, демеу беріп отырайық. Біз ҚАЗАҚСТАН деп аталатын өз жерімізде, өз елімізде мемлекеттік тілде яғни ана тілімізде сөйлеуіміз керек. Тілімізді мақтан тұтып жүрейік, - деді ол.
