Шығыс Қазақстанда студент пен оқушы қыз қайтыс болды - полиция суицид нұсқасын тексеріп жатыр
Әлеуметтік желіде Шығыс Қазақстан облысы Риддер қаласында оқушы мен Алтай қаласындағы колледж студентінің өлімі туралы ақпарат тарады, - деп хабарлайды Tengrinews.kz тілшісі YK-news.kz-ке сілтеме жасап.
фото: tengrinews.kz
Қайғылы оқиғаға қатысты облыстық білім басқармасы пікір білдірді.
"Кәмелетке толмағандардың өлімі дерегін растаймыз. Бұл студент пен 6-сынып оқушысы. Бұл оқу процесі кезінде емес, демалыс күндері, балалар үйінде жүрген кезде болды. Бұл суицид пе, әлде жоқ па - полиция анықтайды", - деді ШҚО білім басқармасы басшысының орынбасары Әлима Ақылбек.
Еске салайық, бұған дейін Қазақстанда суицид жасау дерегі 7 пайызға, суицидке әрекеттену 17,5 пайызға төмендегенін хабарлаған едік.
