«Үрей тудырып жатыр». Қызылорда облысында жел салдарынан құм көшіп, арасынан адам денесі табылған

Қызылорда облысында жел салдарынан құм көшіп, арасынан адам мәйіті табылған, - деп хабарлайды Paryz.kz Massaget.kz-ке сілтеме жасап.

Фото: facebook.com/LyazzatBaktibayeva

Бұл туралы Facebook-те Ләззат Бақтыбаева айтты.

"Жел болғанның да пайдасы бар екен. Бірнеше күннен бері тоқтамаған желдің салдарынан, құм көшіп, "Арал - Газ" және Белкөлдегі поезд отстойы маңынан адам мәйіті табылғаны туралы What’s App арқылы тараған фотолар халық арасында үрей тудырып жатыр", - деп жазды ол.

Бұл ақпаратқа Қызылорда қалалық Полиция басқармасы пікір білдірді.

"Бұл жарияланым бойынша тексеру жұмыстары жүргізіліп жатыр. Қосымша хабарланатын болады", - делінген жауапта.