Ырғыз тұрғынынан 44 дана киік мүйізі тәркіленді
Ақтөбе облыстық ПД қызметкерлері жедел іс-шара барысында Ырғыз ауданы тұрғынының жеке үйін тінтіді.
сурет tengrinews.kz сайтынан
«Жергілікті тұрғынның үйінен 44 дана ақбөкен мүйізі табылды. 12 калибрлі аңшы мылтығы тәркіленді»,- деді облыстықПД баспасөз қызметінің жетекшісі Ерболат Сарқұлов.
ҚазАқпараттың хабарлауынша, қазіргі уақытта аталған факті бойынша «Өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу» бабы бойынша сотқа дейінгі тергеу басталды. Полиция тергеу амалдарын жүргізіп жатыр.
