"Әкімдікті сотқа беру керек": Шымкенттік әжей күтпеген жерден асфальттің ойығына түсіп кетті
Шымкентте айдың-күннің аманында аялдамада келе жатқан әйел асфальттың ойығына түсіп кетті, деп хабарлайды paryz ақпараттық агенттігі Ulysmedia сайтына сілтеме жасап.
Оқыс жағдай “Нұрсәт” ықшам ауданында орналасқан №80 мектеп маңындағы аялдамада болған. Бетонмен жабылған асфальттың ойылып қалған тұсын кейуана байқамаған.
Соның салдарынан, оның аяғы жол бойындағы ойыққа түсіп кетті. Әйел адам өздігінен аяғын шығара алмай, құтқарушыда шақыруға тура келген. Олар бетонды сындырып, зардап шеккен әйелдің аяғын шұңқырдан шығарды.
Оқиға орнына жеткен жедел жәрдем қызметкерлері оған қажетті медициналық көмекті көрсеткен.
Желі қолданушылары зардап шеккен әйелді қалалық әкімдікті сотқа беруге шақырды. Көпшілігі бұл ойыққа мектеп оқушылары құлап кетсе, жағдай қайғылы аяқталуы мүмкін екенін айтады.
