Ұзынағашта болған атыстан бір адам қаза тапты
Алматы облысының Ұзынағаш ауылында атыс болып, бір адам қаза тапты. Бұл туралы Алматы облыстық ПД баспасөз қызметі хабарлады.
Полицияның мәліметінше, 4 тамыз күні сағат 16:20 шамасында Жамбыл ауданы Ұзынағаш ауылының ауруханасына үш жергілікті тұрғын оқ жарақатымен түскен. Жеткізілгеннен кейін зардап шеккендердің бірі жансақтау бөлімінде қайтыс болды.
«Полиция дереу аталған факті бойынша барлық мән-жайларды анықтау және қылмысқа қатысы бар адамдарды ұстау шараларын қабылдады. Іздестіру барысында «ұстап алу» жоспары жарияланды», – делінген хабарламада.
Алдын ала мәлімет бойынша оқиға жергілікті тұрғындар арасында дұшпандық қарым-қатынасқа байланысты болғаны анықталды. Қазіргі уақытта жанжалға қатысы бар адамдар толығымен анықталып, оларды ұстау бойынша іс-шаралар жүріп жатыр
