Ер адам Қарағандыда болған жанжал кезінде қызылордалық азаматты пышақтап кетті, деп хабарлады paryz.kz.
Оқиға 22 қазан күні сағат 15.00 шамасында болған.
"31 жастағы қызылордалық пышақталып, облыстық ауруханаға жатқызылды. Жедел-іздестіру іс-шаралары барысында патрульдік полиция полкінің қызметкерлері 36 жастағы Шет ауданының тұрғынын ұстады. Ол жанжал барысында жәбірленушіні жаралағанын мойындады", - деп хабарлады Қарағанды облысы Полиция департаментінің баспасөз қызметі.
Аталған факт бойынша ҚР ҚК-нің 106-бабы, 2-бөлімі "Денсаулыққа қасақана ауыр зиян келтіру" бойынша қылмыстық іс қозғалды. Тергеу амалдары жүріп жатыр.